नेपाली कांग्रेसको वडा अधिवेशनको क्रममा सर्लाहीमा आज (सोमबार) पनि झडप हुँदा मतदान अधिकृत सहित ५ जना घाइते भएका छन् ।
गोली चलेको एक दिन नबित्दै पुनः वडा अधिवेशनकै क्रममा विवादले उग्र रूप लिएर झडप भएको हो ।
सर्लाहीका एसपी कृष्ण प्रसाईका अनुसार निर्वाचन क्षेत्र ४ स्थित बलरा नगरपालिका वडा नम्बर ८ को अधिवेशन गराउन पुगेका मतदान अधिकृत उमेशचन्द्र झा माथि आक्रमण भएपछि प्रहरीसँग पनि झडप भएको थियो ।
त्यस्तै उक्त झडपमा झा सहित तीन जना प्रहरी र एक सर्वसाधारण गरी पाँच जना घाइते भएका छन् ।
