जाजरकोटमा बस दुर्घटना हुँदा पाँच जनाको मृत्यु भएको छ भने २५ जना घाइते भएका छन् ।
नेपालगञ्जबाट जाजरकोटको कालीमाटीतर्फ जाँदै गरेको ना६ख २७५७ नम्बरको बस आज बिहान साढे २ बजेतिर जाजरकोटको भेरी नगरपालिका-१३ बराहचौर भन्ने स्थानमा सडकबाट बस करीब दुई सय मिटर तल खसेको हो ।
जाजरकोटका प्रमुख जिल्ला अधिकारी प्रेमप्रसाद देवकोटाको अनुसार दुर्घटनामा दुई जना पुरुष, दुई जना महिला र एक बालिकाको मृत्यु भएको छ ।
दुर्घटनामा घाइतेहरुमध्ये तीनको अवस्था गम्भीर रहेको र उनीहरुलाई उपचारको लागी जिल्ला अस्पताल जाजरकोट पुर्याइएको छ ।
बस दुर्घटनाको कारण खुलेको छैन र मृतकहरुको सनाखत हुन बाँकी रहेको प्रहरीले जानकारी दिए ।
