नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीको ११ औं केन्द्रीय कमिटी बैठक सुरु भएको छ ।
आज शुक्रबारदेखि तनहुँको बन्दीपुरमा बैठक सुरु भएको हो । बैठकमा पार्टीको आगामी कार्यदिशा, राजनीतिक एजेन्डा,रणनीति लगायतका विषयमा छलफल हुने बताइएको छ ।
खुला राजनीतिमा आएपछि पहिलो पटक नेपाल कम्युनिष्ट पार्टीको केन्द्रीय समिति बैठक बस्न लागेको हो । खुल्ला राजनीतिमा आएपछि पहिलो पटक बसेको यो बैठकलाई महत्वका साथ हेरिएको छ ।
तत्कालीन माओवादीबाट अलग भएर भूमिगत गतिविधि गर्दै आएको विप्लव समूह र केपी शर्मा ओली नेतृत्वको सरकारबीच गत फागुन २१ गते तीन बुँदे सहमति भएको थियो । सो सहमतिसँगै सो समूहमाथि प्रतिबन्ध फुकुवा भएको थियो ।
बन्दीपुरको एक होटलमा आयोजित बैठक असोज ५ गतेसम्म चल्ने बताइएको छ ।
