चितवनमा केही क्षेत्रमा जारी रहेको निषेधाज्ञालाई थप खुकुलो पार्दै १० दिन थप गरिएको छ । जिल्ला प्रशासन कार्यालय चितवनले आज शनिबार एक सूचना जारी गर्दै सो सम्बन्धी जानकारी दिएको हो ।
चितवनका प्रमुख जिल्ला अधिकारी प्रेमलाल लामिछानेका अनुसार निषेधाज्ञालाई खुकुलो बनाउँदै भदौ २१ गतेदेखि चितवनमा पार्टी प्यालेस सञ्चालन गर्न पाउने निर्णय गरिएको छ । तर कुल क्षमताको ५० प्रतिशत नकट्ने गरी मानिसहरु राख्नुपर्ने छ । यस्तै २१ गतदेखि कानुनअनुसार गर्ने पर्ने सभा, सम्मेलन प्रशाससँग अनुमति लिएर गर्न पाउने निर्णय प्रशासनले गरेको छ ।
यस्तै होटल तथा रेष्टुरेण्टहरु रातिको ९ बजेसम्म खोल्न पाइने छ ।
संक्रमण घटबढ भएमा जुनसुकै बेलामा पनि निषेधाज्ञा थपघट गर्न सकिने बताउँदै प्रशासनले सबैलाई सचेत भएर सुरक्षाका मापदण्ड अपनाउन आग्रह गरेको छ ।
