जिल्ला प्रहरी कार्यालय चितवनमा सुरक्षा विशेष तालिम सुरु भएको छ ।
चितवन प्रहरी प्रवक्ता सूर्य बहादुर थापाले आज उक्त तालिमको उद्घाटन गरेका हुन् ।
राष्ट्रिय प्रहरी प्रशिक्षण प्रतिष्ठान महाराजगञ्ज घुम्ती प्रशिक्षण शाखाको निर्देशन अनुसार सञ्चालित तालिम प्रहरी हवल्दार र प्रहरी जवानलाई लक्षित गरी छ दिनसम्म सञ्चालन हुने प्रवक्ता थापाले जानकारी दिए ।
तालिममा नौं जना प्रहरी हवल्दार र २६ जना प्रहरी जवान गरी जम्मा ३५ जनाको सहभागिता रहेको छ ।
