चितवन, साउन ३२ चितवनमा जोरबिजोर प्रणाली उल्लंघन गरी चलाइएको ७७ वटा सवारी साधनलाई नियन्त्रणमा लिएर कारबाही गरिएको छ ।
जिल्ला ट्राफिक प्रहरी कार्यालय चितवनका अनुसार आज सोमबार बिजोर नम्बरका ७७ वटा सवारीलाई कारवाही गरिएको हो । आज जोर गते भएकाले जोर नम्बरका सवारीमात्र चलाउने दिन हो ।
कारवाही गरिएका सवारी साधनमध्ये दुई पाङ्ग्रे सवारी ४६ वटा, तीन पाङ्ग्रे सवारी.१६ वटा, ठूला सार्वजनिक सवारी ४ वटा र साना ४ चक्के सवारीहरु ११ वटा रहेका ट्राफिक कार्यालयले जनाएको छ ।
