जनता समाजवादी पार्टीको आधिकारिकता विवादमा रेशम चौधरी तटस्थ रहेको बताएका छन् । डिल्लीबजार कारागारबाट निर्वाचन आयोग पुगेका चौधरीले आँफू आधिकारिकता विवाद समाधानका लागि गरिएको सनाखतमा तटस्थ बसेको बताएका हुन् ।
‘जेलबाट आएर एउटा पक्षमा हस्ताक्षर गर्न मेरो नैतिकताले दिएन । मेरो पक्ष पनि जसपा हो, विपक्ष पनि जसपा हो’ उनले निर्वाचन कार्यालयबाहिर पत्रकारहरुसँग भनेका छन् ।
उनलाई सोमबार दिउँसो निर्वाचन आयोग पुर्याइएको हो । यसअघि उनको हस्ताक्षर जेलबाटै सनाखत गर्ने तयारी थियो। आयोगले पनि जेलमै गराउन पत्र पठाएको थियो । तर चौधरीले नेताहरुलाई भेटेर नै हस्ताक्षर गर्ने बताएका थिए ।
