नेपाली कांग्रेसको १४ औ महाधिवेशन नजिकिदै गर्दा भरतपुर महानगर कमिटीको सभापतीमा वचन कार्कीले उम्मेद्वारी घोषणा गरेका छन् । आज (बिहीबार) भरतपुरमा पत्रकार सम्मेलनको आयोजना गर्दै कार्कीले आफ्नो उम्मेद्वारी घोषणा गरेका हुन् ।
१७ हजार क्रियाशील सदस्य रहेको महानगरमा ७ हजार हाराहारीमा भोट ल्याउनेले जित्ने र युवाहरुको संख्या ६ हजार रहेकाले आफुले उम्मेद्वारी घोषणा गरेको कार्कीले बताए । उनले आफुले युवाहरुको प्रतिनिधित्व गर्दै उम्मेद्वारी दिएको बताए । विद्यार्थी राजनीतिबाट राजनीति सुरु गरेका कार्कीले महानगरमा युवा लक्षित कार्यक्रम ल्याउने प्रतिबद्धता पत्र सार्वजनिक गरेका छन् ।
उनले कांग्रेसका सूचनालाई एकीकृत गर्न एप बनाउने प्रतिबद्धता व्यक्त गरेका छन् । आफ्नो नेतृत्वमा कांग्रेसलाई थप शसक्त योजनासहित उम्मेद्वारी घोषणा गरेको कार्कीले बताए । नेपाली कांग्रेसको १४ औ महाधिवेशन भदौ १२ मा हुने कार्यतालिका रहेको छ । त्यसअघि साउन १२ गते नगर र वडाका अधिवेशन सम्पन्न गर्ने कार्यतालिका रहेको भएपनि साउन २० लागि सारिएको छ ।
तर, यो मिति पनि सरेर साउनको अन्तिम सातासम्म अधिवेशन सम्पन्न हुन सक्ने कांग्रेसीहरुको विश्वास छ ।
