चितवन, साउन ३
चितवनको भरतपुर महानगरपालिका ४, नवदुर्गा चोकमा रहेको फर्निचर उद्योगसहितको पसल तेज इन्टरप्राइजेजमा आगलागी भएको छ ।
आज आइतबार अपरान्ह १२ः३० बजेबाट सुरु भएको आगलागी अझै दिउँसो २ः३० बजे नियन्त्रणमा आएको हो । भरतपुर महानगरपालिका र पूर्वि चितवनको दमकलसहित नेपाली सेना, शसस्त्र, जनपथ प्रहरी र स्थानीयले आगो नियन्यत्रणमा लिएका हुन् । वल्डिङ्ग गर्ने क्रममा विद्युत सर्ट भइ आगलागी भएको बताइएको छ ।
आगलागी सुरु हुनासाथ त्यहाँभित्र रहेका केही फर्निचरका समानहरु बाहिर निकालेर सुरक्षित राखिएको छ ।
स्थानीय तेजप्रसाद निउरेले सञ्चालन गरेको सो पसलमा लाखौंको क्षति भएको प्रारम्भिक अनुमान गरिएको छ ।
भरतपुर महानगरपालिकाको दमकल आउन निकै ढिला गरेका कारण आगो समयमा नियन्त्रणमा लिन नसक्दा बढी क्षति भएको सञ्चालक निउरेको भनाइ छ ।
