चितवन, असार २३
चितवनमा पर्सिदेखि सार्वजनिक सवारी साधनहरु सञ्चालन हुने भएका छन् ।
जिल्ला प्रशासन कार्यालय चितवनले आज एक आदेश जारी गर्दै पर्सिदेखि जोरबिजोर प्रणालीका आधार सार्वजनिक सवारी साधनहरु सञ्चालन गर्न दिने निर्णय गरेको हो ।
निर्णयानुसार जोर गते जोर नम्बर र बिजोर गते बिजोर नम्बरका सवारी साधनहरु सञ्चालनमा हुन पाउने छन् । सवारी साधनले सिट क्षमताभन्दा बढी यात्रु राख्न नपाउने, सबै यात्रुहरुले अनिवार्यरुपमा मास्क लगाउनुपर्ने र मास्क नलगाउने यात्रुलाई सवारी साधनमा प्रवेश गर्न नदिने प्रशासनको आदेशमा उल्लेख छ ।
यस्तै चालक र सहचालकले अनिवार्य मास्क र भाइजर लगाउनुपर्ने, सवारी साधनको ढोकामा सेनिटाइजरको व्यवस्था गर्नुपर्ने र अनिवार्य रुपमा सवारी साधन दैनिक निसंक्रमण गर्नुपर्ने प्रशासनको आदेशमा उल्लेख छ ।
