Breaking News
चितवनमा एक्कासी भिषण हावाहुरीसहित वर्षा, जनजीवन प्रभावित
०
चितवन, जेठ ११
आज मंगलबार चितवनमा भिषण हावाहुरीसहित वर्षा भएको छ । हाल हावाहुरीसहितको वर्षा जारी छ ।
एक्कासी हावाहुरी चलेर वर्षा हुँदा जनजीवन प्रभावित भएको छ । जिल्लाका धेरै ठाउँमा विद्युत पनि कटौती गरिएको छ ।
चितवनमा पछिल्लो समय कहिले अत्याधिक गर्मी हुने त कहिले एक्कासी हावाहुरी चल्न थालेको छ ।
मौसम पूर्वानुमान महाशाखाले ‘चक्रवात यास’का कारण आज अपराह्नपछि देशका धेरै स्थानमा मौसममा सामान्यदेखि पूर्ण बदली हुने बताएको थियो । पूर्वीमध्य बङ्गालको खाडीमा रहेको न्यून–चापीय प्रणाली हाल ‘चक्रवात यास’मा परिणत भएको हो ।
यो सिजनमा मेघगर्जन–चट्याङ–हावाहुरी र असिना–पानीको समेत सम्भावना रहेकाले सबैलाई आवश्यक सतर्कता अपनाउन महाशाखाले अनुरोध गरिरहेको छ ।
तपाइको प्रतिक्रिया दिनुहोस्
Leave a Reply
सम्बन्धित समाचार
लोकप्रिय समाचार
छुटाउनु भयो कि?
>