चितवन,वैशाख २६-
आज नेपाल – खनाल समूहका स्थायी कमिटी सदस्यहरूको बैठक बस्न लागेको छ । खनाल-नेपाल समूहका एक स्थायी कमिटी सदस्यले बैठक बस्न लागेको भए पनि समय टुंगो भइनसकेको बताए ।
केही सांसदहरूले सामूहिक राजीनामा दिनेलगायत समसायमिक राजनीतिक विषयमा छलफल गर्न उनले बताएको हो।
प्रधानमन्त्री केपी शर्मा ओलीले भोलि प्रतिनिधि सभामा विश्वासको मत लिँदै छन्। ओलीलाई विश्वासको मत पुग्न नदिने र वैकल्पिक सरकार बनाउन सहज वातावरण बनाउने उद्देश्य खनाल-नेपाल समूहका कम्तीमा २० जना सांसदले सामूहिक राजीनामा दिने तयारी भइरहेको छ।
