चितवन प्रहरीले तोकिएको समय भन्दा बाहिरी समयमा पसल खोल्ने १२ जनालाई कारवाही गरेको छ । प्रहरीले उनीहरुबाट ५ हजार ८ सय जरिवाना समेत असुल गरेको छ । यससंगै शनिबार मात्रै प्रहरीले कुल १ लाख ६ हजार २ सय रुपैयाँ जरिवाना उठाएको छ ।
२८३ सवारीलाई कारवाही
चितवनमा शनिबार निषेधाज्ञा उल्लंघन गर्ने २८३ सवारी साधनलाई कारवाही गरिएको छ । २५३ वटा (दुई पाङग्र्रे/मोटरसाइकल) र ३० वटा अन्य सवारी साधनलाई कारवाही गरिएको जिल्ला प्रहरी कार्यालयका प्रहरी नायव उपरीक्षक एवं प्रवक्ता सरोज गिरीले जानकारी दिए । उनले नियन्त्रणमा लिईएका सवारी साधनलाई २४ घण्टा होल्डमा राखेर जरिवाना गरि छाडिने जानकारी दिए ।
