चितवन, बैशाख २२
चितवनमा जारी रहेको निषेधाज्ञामा भोलिदेखि बैंक तथा वित्तिय संस्थामा कार्यरत आधा कर्मचारीबाट मात्र सेवा प्रवाह गर्नुपर्ने भएको छ । आज सम्पन्न जिल्ला कोेभिड–१९ संकट व्यवस्थापन केन्द्र (डीसीसीएमसी) को बैठकले सो निर्णय गरेको हो ।
बैठकले बैंकका एटिएम बुथहरुबाट कोरोना संक्रमणको जोखिम कम गर्न बुथका ढोकाहरु खुल्ला राखी स्यानिटाइजर एवं टिस्यु पेप्परको व्यवस्था गर्न निर्देशन गरेको छ ।
यस्तै बंकहरुले एकदिन बिराएर आलोपालो सेवा प्रदान गर्न समेत प्रशासनले निर्देशन गरेको छ । बिहान दश बजेदेखि दिउसो दुई बजेसम्म मात्र सेवा प्रवाह गर्न पाइने डीसीसीएमसीको निर्णयमा उल्लेख छ ।
भरतपुर महानगरपालिकाको हकमा भने एकभन्दा बढी शाखा हुने बैंकहरुले एउटा शाखाबाट मात्र ट्रेलर सञ्चालन गर्न पाइने निर्णय गरिएको प्रमुख जिल्ला अधिकारी प्रेमलाल लामिछानेले जानकारी दिए । साथै बैंकमा भिडभाड हुन नदिन टोकन प्रणाली अवलम्वन गर्न निर्देशित गरिएको उनले बताए ।
