चितवनमा निषेधाज्ञा जारी भएको आज दोस्रो दिन सडकमा सवारी साधन र यात्रुको चाप कम थियो । चितवनमा संक्रमितको संख्या बढ्दै गएपछि प्रशासनले मानिसको आवतजावतमा थप कडाइ गर्न थालेको छ ।
यसै क्रममा आज ८४१ वटा सवारी साधनलाई होल्डिङ सेन्टरमा राखिएको जिल्ला प्रहरी कार्यालय चितवनले जानकारी दिएको छ । त्यस्तै निषेधाज्ञा उल्लङ्घन गरी हिँडडुल गर्ने २५ सय ८२ जनालाई प्रहरीले नियन्त्रणमा लिई सझाइबुझाइ छाडेको प्रहरीले जनाएको छ ।
