ओली पक्षीय नेकपाको वागमती प्रदेश कमिटीको आयोजनामा माघ २३ गते हुने शक्ति प्रदर्शनको तयारीस्वरूप युवा संघ र अनेरास्ववियूले आज संयुक्त रूपमा मोटरसाइकल र्याली गरेको छ । नेता महेश बस्नेतले नेतृत्व गरेको मोटरसाइकल र्यालीमा १० हजार युवाले मोटरसाइकलसहित सहभागिता जनाएको युवा संघको दावी छ।
मध्यान्ह १२ बजे बालकुमारीबाट शुरु र्याली सातदोबाटो-लगनखेल-जावलाखेल-पुल्चोक-थापाथली-त्रिपुरेश्वर-एनएसी-जमलचोक- दरबारमार्ग-नारायणहिटी-जयनेपाल हल-कमलपोखरी-रातो पुल-गौशाला-एयरपोर्ट हुँदै तीनकुने पुगेर सभामा परिणत भएको छ ।
