सत्तारुढ दल नेपाल कम्युनिष्ट पार्टी (नेकपा) विभाजन भएको बेलामा उत्तरी छिमेकी मुलुक चीनको एक उच्च अधिकारी टोली काठमाडौं आउँदै छ।
चीन नेपालको पछिल्लो राजनीतिक घटनाक्रमबारे मौन बसेको छ । यस उच्च अधिकारीको भ्रमणलाई निकै अर्थपूर्ण रुपमा हेरिएको छ । चिनियाँ कम्युनिष्ट पार्टीको अन्तर्राष्ट्रिय विभागका उपमन्त्री गुओ येचौकोको नेतृत्वमा एक टोली भोलि (आइतबार) काठमाडौं आउन लागेको हो ।
सो टोलीले यहाँको सरकारी अधिकारीहरुका साथै सत्तारुढ नेपाल कम्युनिस्ट पार्टी (नेकपा)का नेताहरुलाई भेट्ने बताइएको छ ।
