सत्तारुढ नेकपा भित्रको विवादको प्रभाव सबै प्रदेशमा देखिन थालेको छ । वाग्मती प्रदेशमा प्रचण्ड–माधव पक्षले अविश्वासको प्रस्ताव दर्ता गरेसंगै अन्य प्रदेशमा त्यसको संभावना पनि बढ्दै गइरहेको छ ।
यस्तैमा प्रदेश नं १ का मुख्यमन्त्री शेरधन राईले आर्थिक मामिला तथा योजनामन्त्री इन्द्रबहादुर आङ्बोलाई आज बर्खास्त गर्नुभएको छ ।
नेपालको संविधानको धारा १६९ को २ (ख) बमोजिम प्रदेश सरकारका मन्त्री आङ्बोलाई पदमुक्त गरिएको मुख्यमन्त्रीका प्रेस सल्लाहकार ध्रुव सुवेदीले जानकारी दिनुभयो ।
आफूविरुद्ध अविश्वासको प्रस्ताव ल्याउन लागेको सुइको पाएपछि मुख्यमन्त्री राइले मन्त्री आङ्बोलाई बर्खास्त गर्नुभएको हो ।
