काठमाडौं, ८ पुस – गृहमन्त्री रामबहादुर थापा ‘बादल’ले प्रधानमन्त्री केपी शर्मा ओलीलाई भेटेका छन् ।
प्रधानमन्त्रीलाई भेट्न बालुवाटार पुगेका बादलले प्रधानमन्त्री केपी शर्मा ओलीसँग झण्डै एक घण्टा छलफल गरेका छन् । प्रधानमन्त्री ओली र बादलबीच आजको भेटमा के-के कुराकानी भयो भन्ने खुलाइएको छैन ।
पूर्वमाओवादी समूहका बादलले विभाजनपछि आफू कुन कित्तामा उभिने भन्ने अहिलेसम्म निर्णय गरेका छैनन् । तर बादल पक्षका नेताहरुले उनलाई नेकपाका कार्यकारी अध्यक्ष प्रचण्डलाई साथ दिन दबाब दिइरहेका छन् ।
