काठमाडौं । नेपाल कम्युनिस्ट पार्टी (नेकपा) को प्रचण्ड–माधव समूहको केन्द्रीय कमिटीको बैठक सुरु भएको छ ।

बबरमहलस्थित कार्की ब्याङ्केटमा स्थायी कमिटीको बैठक सकिएलगत्तै केन्द्रीय कमिटीको बैठक बसेको हो ।

केन्द्रीय कमिटी बैठकअघि बसेको स्थायी कमिटी बैठकले केपी ओलीलाई हटाउँदै अध्यक्षमा माधवकुमार नेपाललाई प्रस्ताव गरेको छ ।

आजै ओली समूहको केन्द्रीय समिति बैठक पनि बसेको थियो । सो बैठकले केन्द्रीय समिति विस्तार, महाधिवेशन मिति तोक्ने लगायतका विभिन्न निर्णय गरेको छ ।