गएको २८ महिनामा २७ वटा गैँडाको उद्धार भएको छ । ती सबै गैँडाहरू चितवन राष्ट्रिय निकुञ्जका हुन् । उद्धार गरिएका गैँडामध्ये वर्षायाममा नदीले बगाएको, वन्यजन्तुको आक्रमण गरेकोदेखि केही बिरामी परेकाहरू छन् । राष्ट्रिय निकुञ्ज तथा वन्यजन्तु विभागले जनाए अनुसार आर्थिक वर्ष २०७५/०७६ मा १५ वटा र आर्थिक वर्ष २०७६/०७७ मा १० वटा गैँडाको उद्धार गरिएको छ । चालु आर्थिक वर्ष २०७७/०७८ को कात्तिक मसान्तसम्ममा दुईवटा गैँडाको उद्धार भएको छ ।
चितवनबाहेक पर्सा, बर्दिया र शुक्लाफाँटा राष्ट्रिय निकुञ्जमा गैँडा रहेका छन् । २०७१ सालमा भएको गैँडा सर्वेक्षण अनुसार गैँडा ६४५ वटा छन्, जसमध्ये सर्वाधिक चितवन राष्ट्रिय निकुञ्जमा ६०५ वटा छन्।
