चितवनमा आज (बिहीबार) विहान थप एक जना कोरोना भाइरस (कोभिड–१९) संक्रमितको मृत्यु भएको छ ।
भरतपुर अस्पतालमा उपचाररत मकवानपुरको हेटौंडा उपमहानगरपालिका–६ का ८२ वर्षीय पुरुषको आज विहान १ बजे मृत्यु भएको अस्पतालका सूचना अधिकारी लिलाधर पौडेलले जानकारी दिए ।
कार्तिक १५ गते नै कोरोना भाइरस संक्रमण पुष्टि भएका ती पुरुषमा श्वासप्रश्वासमा समस्या भएपछि कार्तिक १८ गते भरतपुर अस्पताल भर्ना भएका थिए । उनको स्वास्थ्य अवस्था थप जटिल बन्दै गएपछि उनलाई कोभिड आइसीयूमा राखेर उपचार थालिएको थियो ।
