चितवन, असोज २६–

भरतपुर महानगरपालिका र मातहतका कार्यालय आज (सोमबार) एक दिनका लागि बन्द गरिएको छ ।

भरतपुर–२० का वडाध्यक्ष मणिलाल तामाङको निधनप्रति दुःख व्यक्ति गर्दै उनको सम्मानमा भरतपुर महानगरपालिका र मातहतका कार्यालय आज एक दिनका लागि बन्द गरिएको हो ।

वडाध्यक्ष तामाङको कोरोना संक्रमणबाट आइतबार विहान ११ः३० बजे भरतपुर अस्पतालमा उपचारको क्रममा निधन भएको थियो । महानगरपालिकाले आइतबार शोक वक्तव्य प्रकाशित गर्दै दिवंगत तामाङप्रति हार्दिक श्रद्धाञ्जली र शोकाकूल परिवारजनमा हार्दिक समवेदना गरेको छ ।