डा गोविन्द केसी पक्ष र सरकारी टोलीबीच आज पुन वार्ता हुने भएको छ ।
चिकित्सा क्षेत्र सुधारको माग राख्दै १९ औँ पटक अनशन डा. गोविन्द केसी पक्ष र सरकारी टोलीबीच आज फेरि वार्ता हुने भएको छ ।
सिंहदरवारस्थित शिक्षा मन्त्रालयमा भएको वार्तामा डा केसीले उठाउनुभएको मागका विषयमा हिजो छलफल भएको थियो । छलफलले डा केसीका ६ बुँदे मागलाई बुँदागत रुपमा सम्बोधन गर्ने गरी पहिलो मस्यौदा तयार पारेको बताइएको छ ।
गएराति अबेरसम्म भएको वार्ता सकारात्मक भएपछि आज पनि वार्तालाई निरन्तरता दिन लागिएको हो ।
आजको छलफलको समय भने तय भइनसकेको डाक्टर केसीको तर्फबाट वार्ता टोलीका संयोजक डाक्टर जीवन क्षेत्रीले जानकारी दिए । आज सहमति भए डाक्टर केसीले आजै अनशन तोड्ने पनि क्षेत्रीले बताए ।
