चितवनमा कोरोना (कोभिड १९) को संक्रमणबाट आज एक पुरुषको मृत्यु भएको छ । पुरानो मेडिकल कलेजमा उपचारका क्रममा भरतपुर महानगरपालिका वडा नम्बर १५ का ३५ वर्षिय पुरुषको मृत्यु भएको हो ।
असोज १५ गते कलेजोको समस्या भई अस्पताल भर्ना हुनुभएका उहाँमा हिजो (शुक्रबार) कोरोना संक्रमण पुष्टि भएको थियो । अस्पतालको कोभिड सघन उपचार कक्षमा उपचारको क्रममा आज विहान १०ः४४ वजे पुरुषको मृत्यु भएको अस्पतालले जनाएको छ ।
