चितवनमा कोरोना भाइरस (कोभिड–१९) संक्रमित एक महिलाको मृत्यु भएको छ ।
चितवन मेडिकल कलेजको कोभिड सघन कक्ष (आइसीयू)मा उपचाररत मकवानपुरको हेटौंडा उपमहानगरपालिका–११ की ५२ वर्षीया महिलाको आज (शुक्रबार) दिउँसो १ः४४ बजेको समयमा मृत्यु भएको अस्पतालले जनाएको छ ।
श्वासप्रश्वास र छातीमा समस्या देखिएपछि ती महिला भदौं ११ गते चितवन मेडिकल कलेजमा भर्ना भएकी थिइन् ।
योसंगै चितवनमा कोरोनाबाट मृत्यु हुनेको संख्या २१ पुगेको छ । जसमध्ये चितवनका ११ जना, मकवानपुरका ५ जना, नवलपरासी पूर्वका २, गोरखा, कैलाली र बाराका एक/एक जना रहेका छन् ।
