भरतपुर अस्पतालमा कोरोना संक्रमित एक महिलाले जुम्ल्याहा बच्चा जन्माएकी छिन् । गोरखा नगरपालिका वडा नम्बर १० छेपेटार की ३७ बर्षीया महिलाले शल्यक्रिया मार्फत बच्चा जनमाएको अस्पतालका सूचना अधिकारी लिलाधर पौडेलले जानकारी दिनुभयो ।
शल्यक्रिया मार्फत जन्मेका जुम्ल्यहा छोरा र आमाको स्वास्थ्य अवस्था समान्य रहेको छ । भदौ ८ गते कोरोना पुष्टि भएकी महिलालाई १० गते अस्पताल भर्ना गरिएको थियो ।
महिलाले जन्माएको बच्चालाई कोरोना नसरोस भन्दै अहिले छुट्टै राखिएको छ । पौडेलका अनुसार आमाको कोरोना रिपोर्ट नेगेटिभ आएपछि मात्र भेट्न दिइने छ । अस्पतालमा पछिल्लो एक हप्तामा गर्ववती महिलाको शङ्ख्या बढेपछि कोभिड र नन कोभिड ओटी स्थापना गरिएको छ ।
अस्पतालले यसभन्दा पहिले पनि संक्रमित महिलाको शल्यायक्रिया मार्फत शिशूको जन्म भएको थियो ।
