पूर्वीचितवनको रत्ननगरमा पहिलोपटकमा एकैदिन १४ जनामा कोरोना भाइरस संक्रमण पुष्टि भएको छ ।
भरतपुर अस्पताल कोभिड–१९ प्रयोगशालामा बुधबार राति गरिएको परीक्षणमा रत्ननगर नगरपालिका वडा नं.४, ९ र १२ का १२ जना पुरुष र २ महिलामा कोरोना भाइरस संक्रमण पुष्टि भएको प्रयोगशालाकी प्रमुख डा.नितु अधिकारीले जानकारी दिइन् ।
संक्रमित पुरुषहरु १९ देखि ५३ वर्ष उमेर समूहका छन् भने महिलाहरु २३ र ३४ वर्षीया हुन् । उनीहरु रत्ननगरका क्वारेन्टिनमा रहेका थिए ।
