चितवनको भरतपुर अस्पालको आइसोलेसनमा उपचाररत एक जना कोरोना संक्रमित भागेका छन् ।
उनलाई राखिएको कोठामा विहान ५ बजेबाट ती पुरुष नरहेको अस्पतालका सूचना अधिकारी लिलाधर पौडेलले जानकारी दिए ।
भरतपुर महानगरपालिका–१२ का १९ वर्षीय ती पुरुष चोरीको आरोपमा पक्राउ परेका थिए । उनको कोरोना रिपोर्ट पोजिटिभ आएपछि यही भदौं ६ गते उनको श्रीमतीको जमानीमा छाडेर भरतपुर अस्पताल पठाइएको थियो । आज विहानैदेखि अस्पताल नभेटिएपछि उनको खोजी कार्यभइरहेको जिल्ला प्रहरी कार्यालय चितवनका प्रवक्ता सूर्यबहादुर थापाले जानकारी दिए ।
‘कोरोना पोजिटिभ आएपछि जमानीमा छाडेर भरतपुर अस्पताल पठाएको थियौं, आज विहानै भागेपछि खोजी कार्य भइरहेको छ’–प्रवक्ता थापाले नारायणी अनलाइनसंग भने ।
