धनुषामा थप एकजनाको कोरोना भाइरस (कोभिड–१९) संक्रमणबाट मृत्यु भएको छ ।
जनकपुरधाम प्रादेशिक अस्पतालका कोभिड–१९ संयोजक डा.जामुन सिंहले अस्पतालको आइसोलेसनमा उपचाररत विदेह नगरपालिका वडा नम्बर ८ का ६० वर्षीय पुरुषको मृत्यु भएको जानकारी दिएका छन् ।
१८ दिनदेखि आइसीयूमा उपचाररत ती पुरुषको सोमबार राति मृत्यु भएकाले डा.सिंहले जानकारी दिए । उनका अनुसार मृतक पुरुष क्षयरोग र निमोनियाबाट पनि पीडित थिए ।
