भरतपुर २ क्षेत्रपुरमा रहेको बालकुमारी उच्च मावि विद्यालय व्यवस्थापन समितिको अध्यक्षमा बद्री अधिकारी सर्वसम्मत चयन हुनुभएको छ । आज (आइतबार) सम्पन्न भेलाले अधिकारीलाई सर्वसम्मत अध्यक्षमा चयन गरेको हो ।
यसअघि नारायणगढकै भानु माविका अध्यक्ष बनेका अधिकारीले विद्यालयलाई उत्कृष्ट विद्यालयको रुपमा स्थापित गराउन सफल भएका थिए । उनले सो विद्यालयको अध्यक्ष सम्हालेपछि विद्यालयमा धेरै सुधार भएको थियो ।
अध्यक्षमा निर्वाचित भएपछि अधिकारीले सबैको सुझाब संकलन गरेर विद्यालय सुधारको योजना ल्याउने बताए ।
