वाग्मती प्रदेश प्रमुख विष्णुप्रसाद प्रसाईले नेपालको संविधानको धारा २०१ को उपधारा २ को अधिकार प्रयोग गरी प्रदेशसभाको बैठकबाट पारित भई आएको एउटा विधेयकलाई आज यहाँ प्रमाणीकरण गर्नुभएको छ ।
उहाँले प्रमाणीकरण गर्नुभएको विधेयक अन्तरप्रदेश बासिन्दाको सम्मान, सुरक्षा, व्यवहार र सुविधाको सम्बन्धमा व्यवस्था गर्न बनेको विधेयक, २०७७ रहेको प्रदेश प्रमुख सचिवालयका कानून अधिकृत राजेशकुमार तामाङले बताउनुभयो । प्रदेशसभाको गत साउन ५ र ६ गते बसेको बैठकले चार वटा विधेयक पारित गरिएको भए पनि अहिले तीन वटा विधेयकलाई प्रदेश प्रमुख प्रसाईले प्रमाणीकरण गर्नुभएको प्रदेशसभा सचिवालयका सहप्रवक्ता विनोदप्रसाद पौडेलले जानकारी दिनुभयो ।रासस
