तनहुँको देवघाटमा अवैध माटो उत्खनन् रोकिएको छैन । गाँउपालिकाले रोक लगाएपनि माटोको अवैध रुपमा उत्खनन् र ओसारपसार भइरहेको पाइएको हो । आइतबार देवघाटबाट चितवनतर्फ ल्याउँदै गर्दा ट्रिपर सहित माटो प्रहरीले नियन्त्रणमा लिएको छ ।
देवघाट गाँउपालिका वडा नम्वर ५ कालिमाटीबाट ना ६ ख ३६८७ नम्वरको ट्रिपर नियन्त्रणमा लिइएको इलाका प्रहरी कार्यालय देवघाटका प्रहरी नायव निरीक्षक उज्वल चिलवालले जानकारी दिनुभयो । उहाँले थप कारवाहीका लागी गाँउपालिकालाई पत्र काटिएको बताउनुभयो ।
