चितवनमा आज (मंगलबार) थप एक जनामा कोरोना भाइरस (कोभिड–१९) संक्रमण पुष्टि भएको छ ।
भरतपुर अस्पताल कोभिड–१९ प्रयोगशालामा आज गरिएको परीक्षणमा रत्ननगर नगरपालिका–१३ का ३५ वर्षीय पुरुषमा कोरोना संक्रमण पुष्टि भएको प्रयोगशालाकी प्रमुख डा.नितु अधिकारीले जानकारी दिइन् ।
ती पुरुषको बकुलहर रत्तनगर अस्पतालबाट स्वाब संकलन गरिएको हो । आज चितवनमा कुल ११२ वटा नमुनाको परीक्षण गरिएको थियो ।
चितवनमा हालसम्म कोरोना संक्रमितको संख्या ११३ पुगेको छ ।
