नेकपा अध्यक्ष एवं प्रधानमन्त्री केपी शर्मा ओलीले आफु निकट सांसद र मन्त्रीलाई बोलाएर सहयोग गरिदिन आग्रह गरेका छन् ।
ओलीले बुधबार बिहानै बालुवाटार बोलाएर पार्टीका १३ जना स्थायी कमिटी सदस्यहरूसँग आफूलाई सहयोग गरिदिन आग्रह गरेका हुन् ।
मंगलबार ओलीको पक्षमा रहेका कोही पनि स्थायी कमिटी सदस्यले बोलेका थिएनन्।
मंगलबारको स्थायी कमिटी बैठकमा बोल्ने नेकपाका १८ मध्ये १७ सदस्यले प्रधानमन्त्रीबाट राजीनामा मागेपछि ओली संकटमा परेका छन् ।
यहि संकट समाधानका लागि परामर्श लिन आज बिहान आफू निकट मन्त्री र सांसदलाई बालुवाटार बोलाएका थिए। करिब २ घन्टा भएको छलफलमा ओलीले आफुलाई अप्ठ्यारोमा पारिएको बताएका थिए।
