चितवन प्रहरीले दुई युवतीसहित पाँच जनालाई लागूऔषधको कारोबारमा संलग्न भएको आरोपमा भरतपुरबाट पक्राउ परेको सूचना सार्वजनिक गर्यो । सोही सूचनाको आधारमा पाँच जना पक्राउ परेको समाचार सार्वजनिक भयो । तर प्रहरीले दिएको सूचनामा उल्लेख भएको व्यक्तिको ठेगाना गलत हुँदा अर्को व्यक्तिले मानसिक तनाब भोग्नुपरेको छ ।
नवलपुरको गैंडाकोट नगरपालिका वडा नं. १६ (बेल्डीहा) बस्ने १९ वर्षिया बबिता महतोको नाम जोडिएको छ । यो समाचार सार्वजनिक भएसँगै बेल्डीहा बस्ने उही नाम गरेकी झण्डै उही उमेरकी युवतीसँग मले खान गयो । जसका कारण उनको परिवारले मानसिक तनाब भोग्नुपरेको छ ।
विभिन्न ठाउँबाट फोन आउने, घरमै आएर छोरीको बारेमा सोधखोज गर्न थालेपछि उनको परिवार अनावश्यकमा मानसिक तनाब भोग्नुपरेको छ । बेल्डीहा नवलपुरको वडा नं.१३ पर्दछ । झरही खोलादेखि वारी र बेल्डीहा पुल पारीको भाग वडा नं. १६ मा पर्छ । तर प्रहरीले दिएको सूचनामा गैंडाकोट–१६ सँगै बेल्डीहा जोडिएकाले बेल्डीहामा बस्ने ती युवतीको परिवारले मानसिक यातना भोग्नुपरेको छ ।
प्रहरीले दिएको सूचनामा ठेगाना गलत भएपछि अर्को निर्दोष परिवारले मानसिक यातना भोग्नुपरेको छ । सम्बन्धित परिवारले ठेगाना सच्याउन भनेको छ ।
