मकवानपुर
हेटौंडाका मोतीलालले जिते कोरोना
०
हेटौंडा, असार ६
हेटौँडाका ५० वर्षीय मोतीलाल पोख्रेलले कोरोना (कोभिड–१९) को संक्रमणलाई जितेका छन् ।
गत १२ जेठमा कोरोना संक्रमण पुष्टि भएका मोतीलाल २६ दिनदेखि हेटौँडा–४ स्थित आइसोलेसनमा उपचाररत् थिए । ‘वहाँले २७ दिनपछि कोरोना जित्नुभयो । आज घर पठाइएको छ’, आइसोलेसनका इञ्चार्ज भोला चौलागाईंले भने ।
उनको अन्मित स्वाब परीक्षणको रिपोर्ट नेगेटिभ आएपछि घर पठाइएको इञ्चार्ज चौलागाईंले जानकारी दिए । मोतीलाल भारतबाट हेटौँडा–९ स्थित घर आएका थिए ।
उनलाई आज बिहान आइसोलेसनबाट भव्य विदाईका साथ घर पठाइएको छ । हेटौँडा उपमहानगरपालिकाकी उपप्रमुख मीनाकुमारी लामा, हेटौँडा अस्पतालका अध्यक्ष प्रकाश पौडेल, बागमती प्रदेशको सामाजिक विकास मन्त्रालयका प्रवक्ता डा. पुरूषोत्तम राज सेढाईलगायतले पुष्प गुच्छासहित बिदाइ गरेका थिए ।
तपाइको प्रतिक्रिया दिनुहोस्
Leave a Reply
सम्बन्धित समाचार
लोकप्रिय समाचार
छुटाउनु भयो कि?
>