नारायणगढ–मुग्लिन सडक खण्ड १४ घण्टापछि एकतर्फी संचालनमा आएको छ ।
इच्छाकामना गाउँपालिका–६ स्थित नारायणगढ–मुग्लिन सडक खण्डको कालीखोला भन्ने स्थानमा पहिरो खस्दा बाटो अवरुद्ध भएको थियो । अपरान्ह ६ः३० बजेदेखि एकतर्फी बाटो सुचारु भएको नारायणगढ मुग्लिन सडक आयोजनाका इन्जिनियर शिव खनालले जानकारी दिए ।
आज दिनभर पहिरो पन्छ्याउने काम गरिएको जिल्ला प्रहरी कार्यालय चितवनका प्रहरी नायव उपरीक्षक एवंम प्रवक्ता सूर्य थापाले बताए । विहान ४ः१५ बजेदेखि सो क्षेत्रमा पहिरो खस्न थालेपछि बाटो बन्द भएको थियो । बाटो बन्द भएपछि सयौं सवारी साधनहरु बाटोमै रोकिएका थिए । अहिले सवारीसाधन गन्तव्यमा जान थालेका छन् ।
