समाजवादी पार्टीले नेपालको नयाँ नक्साको विपक्षमा उभिएकी आफ्नी नेतृ एवं सांसद सरिता गिरीलाई पार्टी र सांसद दुबै पदबाट हटाउने भएको छ ।
नक्सासम्बन्धी संविधान संशोधन प्रस्तावविरुद्ध संसदमा दर्ता गराएकाे प्रस्ताव सांसद गिरीले पार्टीको निर्देशनसमेत अटेर गरी फिर्ता नलिएपछि पार्टीले उनलाई कारबाही गर्ने तयारी गरेको हो ।
अहिले पार्टीका दुवै अध्यक्ष काठमाडौं बाहिर भएकाले दुवै नेता काठमाडौं फर्कनासाथ पार्टीको साधारण सदस्यबाट समेत हटाइने र सांसद पद स्वतः निलम्वनको जानकरी संसदलाई गराइने स्रोतले बतायो ।
संविधानको धारा ८९ (ङ) अनुसार जुन दलको उम्मेदवार भई प्रतिनिधिसभा सदस्य बनेको हो, त्यो दलले पार्टीबाट हटाउने निर्णय गरेमा सांसद पद स्वत: निलम्बन हुने प्रावधान छ । नेतृ गिरी खस-आर्यको कोटाबाट समानुपातिक सांसद हुन् ।
