चितवनकी एक नर्समा पनि कोरोना भाइरस (कोभिड–१९) संक्रमण पुष्टि भएको छ ।
आज (सोमबार) चितवनमा पुष्टि भएका ३० जना मध्ये एक जना भरतपुर महानगरपालिका–४ की २१ वर्षीया नर्स पनि छन् । ती नर्स भरतपुरको मनाकामना अस्पतालमा कार्यररत रहेकी छिन् । भरतपुर अस्पतालका कोभिड–१९ क्लिनिकल कोअर्डिनेटर डा.प्रमोद पौडेलले नर्समा कोरोना संक्रमण भएको पुष्टि गरे ।
योसंगै चितवनमा आज एकै दिन तीन जना स्वास्थ्यकर्मी कोरोना संक्रमित भएका छन् । जसमध्ये दुई जना चिकित्सक छन् । संक्रमित एक चिकित्सक भने नारायणी सामुदायिक हस्पिटलमा कार्यरत छन् ।
आज भरतपुरमा परीक्षण गर्दा ३० जनामा कोरोना संक्रमण पुष्टि भएको थियो । जसमध्ये २३ जना चितवनका छन् भने अन्य बाहिरी जिल्लाका छन् ।
