कोरोना संक्रमणबाट जोगिन लगाइएको लकडाउनको ७४औं दिनमा विदेशबाट नेपालीहरु फर्कंदै छन् । अहिले ११ बजे म्यानमारबाट २६ नेपाली काठमाडौं अवतरण गर्दै छन् ।
उनीहरु अब केहीबेरमा त्रिभुवन विमानस्थलमा अवतरण गर्ने छन् ।
त्रिभुवन विमानस्थलमा ओर्लिएपछि उनीहरुलाई होल्डिङ सेन्टमा पुर्याएर त्यहाँबाट सेनाले घरसम्म पुर्याउने छ । उद्धारका लागि विमानस्थलमा नेपाली सेनाका गाडीहरु तम्तयार छन् । प्रदेश अनुसार अलग अलग गाडीको व्यवस्था गरिएको छ ।
म्यान्मारबाट आउने नेपालीको टोलीमा सबैभन्दा बढी बागमती प्रदेशका १७ र सबैभन्दा कम प्रदेश–१ का एक जना छन्। म्यान्मारले आफ्नो सेनाको विमानमा राखेर नेपालीलाई स्वदेश फर्काउँदै छ।
सरकारले पहिलो चरणमा २५ हजार नेपालीलाई विदेशबाट उद्धार गर्ने तयारी गरिरहेको छ।
