आज (शुक्रबार) साँझ थप नौ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार हेटौंडा–३ मकवानपुरकी ५४ वर्षीया महिला, भक्तपुर–९ की ४२ वर्षीया महिला, बलान–बिहुल गाउँपालिकाका ३५ वर्षीय पुरुषमा कोरोना संक्रमण पुष्टि भएको हो ।
यस्तै बारामा एकैचोटी ६ जनामा पुष्टि भएको छ । सिमरनगढ नगरपालिका निवासी २२ देखि ४५ वर्ष उमेर समूहका ६ जना पुरुषमा कोरोना संक्रमण पुष्टि भएको मन्त्रालयका सहप्रवक्ता डा.समिरकुमार अधिकारीले जानकारी दिए ।
योसंगै आज मात्रै ५९ जनामा कोरोना संक्रमण पुष्टि भएको छ । कुल संक्रमितको संख्या भने ५१६ पुगेको छ ।
