कपिलवस्तुमा थप १० जनामा कोरोना भाइरस (कोभिड–१९) संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार राष्ट्रिय जनस्वास्थ्य प्रयोगशाला काठमाडौंमा परीक्षण गर्दा १० जनामा कोरोना संक्रमण पुष्टि भएको हो ।
कपिलवस्तुको यशोधरा गाउँपालिका वडा नं.५, बुद्धभुमि नगरपालिका वडा नंं.७ र वडा नंं.१० का गरी तीन वडाका १० जनामा संक्रमण पुष्टि भएको स्वास्थ्य तथा जनसंख्या मन्त्रालयका सहप्रवक्ता डा.समिरकुमार अधिकारीले जानकारी दिए ।
उनीहरु १८ देखि ३४ वर्ष उमेर समूहका हुन् भने एक जनाको उमेर नखुेलेको अधिकारीले जानकारी दिए । उनीहरु सबैको स्वास्थ्य अवस्था सामान्य रहेको र हाल चिकित्सकको निगरानीमा रहेको सहप्रवक्ता अधिकारीले जानकारी दिए ।
योसंगै नेपालमा कुल संक्रमितको संख्या १२० पुगेको छ ।
