कीट अभावका कारण एक साता भन्दा बढी समयदेखि बन्द रहेको भरतपुर कोभिड–१९ परीक्षण प्रयोगशाला आज (शनिबार)देखि संचालनमा आएको छ ।
सरकारले कीट उपलब्ध गराएपछि बिहीबार र शुक्रबार संकलन गरिएको स्वाबको आज परीक्षण सुरु गरिएको छ । प्रयोगशालाको व्यवस्थापन गरिरहेको भरतपुर अस्पतालका सूचना अधिकारी लिलाधर पौडेलले सरकारले कीट उपलब्ध गराउने वित्तिकै परीक्षण कार्यालय अघि बढाईएको जानकारी दिए । उनका अनुसार अहिले प्रयोगशालालाई एक हजार तीन सय वटा कीट प्राप्त भएको छ ।
शनिबार ४६ वटा नमुना परीक्षण सुरु गरिएको पौडेलले जानकारी दिए ।
