स्वीस सरकारले दिएको ३० हजार पिसिआर परीक्षण किटमध्ये आज ८ हजार वटा किट प्रयोगशालामा पठाइएको छ । किट अभावमा कोरोनाको परीक्षण रोकिएका प्रयोगशालामा परीक्षण पुनःसुरू हुने भएको छ ।
आजै नेपाली सेनाको स्काइ ट्रकबाट भैरहवा, नेपालगन्ज र धनगढीका लागि किट पठाइएको हो।
यसअघि आरएनए एक्ट्र्याक्सन किट अभावमा पाँच वटा प्रयोगशालामा परीक्षण रोकिएको थियो। जसमा वीर, चितवन, भैरहवा, सुर्खेत र धनगढीका प्रयोगशाला थिए ।
किट आउने भएसँगै गत सातादेखि परीक्षण रोकिएको भैरहवामा रहेको प्रयोगशालामा पुनः परीक्षण हुने भएको छ ।
पछिल्लो समय किट अभावकै कारण परीक्षणको गति सुस्त भएको छ ।
