मकवानपुरको राक्सिराङ गाउँपालिका–७ धिराङमा मंगलबार राती चट्याङ लागेर एक जनाको मृत्यु भएको छ । अन्य १९ जना घाइते छन् ।
हावाहुरीसँग परेको चट्याङले ४० वर्षीय चैतसिंह चेपाङको मृत्यु भएको हो। घाइतेमध्ये कृष्णबहादुर चेपाङ, रामबहादुर चेपाङ, आलिमाया चेपाङ र महेन्द्र चेपाङको अवस्था गम्भीर रहेको प्रदेश सांसद सन्तबहादुर चेपाङले बताए। उनका अनुसार मंगलबार राति ९ वटा घरमा चट्याङ परेको थियो।
घाइतेहरूको धिराङस्थित स्वास्थ्य चौकीमा उपचार भइरहेको छ।
