केहीदिन अघि फ्रान्सबाट कतार एयरवेज हुँदै नेपाल आएकी एक युवतीमा कोरोना भाइरस (कोभिड–१९) संक्रमण देखिएपछि उनीसंगै आएका चितवनका पाँच जना आज (बुधबार) भरतपुर कोरोना अस्पतालको सम्पर्कमा आएका छन् ।
सम्पर्कमा आएकाहरुमा सुरेश गुरुङ, बुद्धिराज कोइराला, सञ्जु कँडेल कोइराला, शम्भु नेपाली र पार्वती नेपाली रहेको भरतपुर कोरोना अस्पतालले जनाएको छ । उनीहरुलाई आइसोलेसन वार्डमा राखिएको अस्पतालका प्रवक्ता डा.भोजराज अधिकारीले जानकारी दिए ।
