डिभिजन वन कार्यालय चितवनले अवैध सालको काठ बरामद गरेको छ । गएराति गस्तिमा गएको कार्यालयको टोलिले कालिका नगरपालिका ८ गैरीबारीमा सालको गोलिया लोड गरेको अवस्थामा दुईवटा बोलेरो सहित काठ बरामद गरेको हो ।
बरामद गरिएको करिव ढेड सय क्यूफिट काठ र बोलेरो अहिले अनुसन्धानका लागि डिभिजन वन कार्यालयमा राखिएको कार्यालयका सुचना अधिकारी कृष्णप्रसाद पौडेलले जानकारी दिनुभयो ।
राति एक बजे ना ४ च ९३७३ र ग १ च४१९७ नम्बरको बोलेरोले सालको काठ लोड गरेका थिए । चालक भने गस्तिमा निस्किएको टोलि देखेपछि फरार भएको सुचना अधिकारी पौडेलले जानकारी दिनुभयो ।
