एसिसी इस्टर्न रिजन टि २० क्रीकेटमा थाइल्यान्डविरुद्ध नेपालले फराकिलो जित हासिल गरेको हो । प्रतियोगितामा नेपालको यो पहिलो जित हो ।
थाइल्यान्डले दिएको ६७ रनको झिनो लक्ष्य पछ्याएको नेपालले ५.३ ओभरमा १ विकेट गुमाउँदै ७२ रन बनायो । जित दिलाउन कुशल मल्लले १८ बलमा ३६ रनमा अविजित रहे भने पवन सराफ १० बलमा २७ रनमा अविजित रहे । पारस खड्का ५ बलमा ९ रनमा आउट भए ।
यसअघि पहिले व्याटिङ गरेको थाइल्यान्ड ६६ रनमा अलआउट भयो । नेपालका करन केसीले ३ र अविनास बोहराले २ विकेट लिए ।
