पद्मोदय युवा क्लव पटिहानीको आयोजनामा आज (शुक्रबार) देखि ‘पद्मोदय खुल्ला नकआउट पुरुष भलिवल प्रतियोगिता–२०७६’ सुरु भएको छ ।
प्रतियोगिताको आज एक कार्यक्रमका बिच भरतपुर २२ का वडा अध्यक्ष विस्नुराज महतोले समुद्घाटन गरेका थिए ।
भरतपुर महानगरपालिका–२२ पदमपोखरीमा सुरु भएको प्रतियोगिताको उद्घाटन दिन आज चार खेल सम्पन्न भएको छ ।उद्घाटन खेलमा आयोजक पद्मोदयले कन्चन समाज विकास परिषदलाई पराजित गरेको छ । पद्मोदयले कन्चन समाजलाइ सोझो सेटमा २५-१८ र २५-१९ ले पराजित गर्यो ।
यस्तै आजै भएको दोश्रो खेलमा पिवाइसी मेघौली विजयी भएको छ । मेघौलीले भरतपुर २३ जगतपुरलाइ २५-१५ र २५-२१ को सोझो सेटमा पराजित गर्यो ।
त्यस्तै तेस्रो खेलमा समाजसेवा विजयी भएको छ । समाजसेवाले हिमाल युवा क्लबलाई २५-१९ र २५-२२ को सोझो सेटमा पराजित गर्न सफल भयो ।
आजको अन्तिम खेलमा भरतपुर १४ ले डिवाइसी वलुवालाइ २५-१७ र २६-२४ को सोझो सेटमा पराजित गर्यो ।
प्रतियोगिता अन्तरगत भोलि (शनिबार) पनि चार खेल हुने आयोजक पद्मोदय युवा क्लवका अध्यक्ष रामहरि सेढाईले जानकारी दिए ।
पहिलो खेलमा पद्मोदय युवा क्लव बि ले सुन्दर संगम युवा क्लब सङ्ग प्रतिस्पर्धा गर्दै छ ।
प्रतियोगितामा चितवनका १५ वटा टिमले प्रतिस्पर्धा गर्दैछ ।
प्रतियोगिताको विजेताले ५० हजार नगद, ट्रफी, मेडल र प्रमाण पत्र प्राप्त गर्ने छ भने द्धितीय हुने टिमले ३० हजार नगद, ट्रफी, मेडल र प्रमाण पत्र प्राप्त गर्नेछन् । यस्तै सेमीफाइनलबाट बाहिरिने दुवै टिमलाई सान्त्वना पुरस्कार स्वरुप १०/१० हजार रुपैयाँ, ट्रफी, मेडल र प्रमाण पत्र प्रदान गरिने आयोजक पद्मोदय युवा क्लवका अध्यक्ष सेढाईले जानकारी दिए ।
प्रतियोगिताको आज एक कार्यक्रमका बिच भरतपुर २२ का वडा अध्यक्ष विश्नुराज महतोले समुद्घाटन गरेका थिए
महाशिवरात्रीको पावन अवसरमा आयोजना गरिएको यस प्रतियोगिता फागुन ११ गतेसम्म चल्ने छ ।
